Соопштение (04.04.2006)
Македонска Православна Црква
Струмичка Епархија
04.04.2006 г.
Во врска со последните случувања во беровското архиерејско намесништво на Струмичката Православна Епархија сакаме официјално да Ве известиме дека:
Не е главен проблем во беровското намесништво прашањето дали некој краде или не. Такви сознанија ќе имаме и таков заклучок ќе можеме да донесеме само после спроведена постапка во која тоа ќе се утврди.
Она што е главен проблем и она што со сигурност се знае и е утврдено од страна на Комисијата на Струмичката Епархија која неколку пати правела ревизија во беровското намесништво е неправилното материјално финансиско работење, односно неводењето на валидна документација или пак водење на т. н. паралелно книговодство.
Но поголемо зло и грев од погоре наведените проблеми е постојаниот отпор кој се пружа против востановувањето на редот во делот на материјалното финансиско работење како и во делот на дисциплината, која во секој поглед треба да постои во Црквата, работи кои надлежниот митрополит се обидува со многу трпение, разговори, и договори да ги воспостави.
Тоа поголемо зло кулминира деновиве, кога веќе разрешениот намесник одби да ја прифати одлуката за неговото разрешување од намесничкото место, и кога со тоа непослушание се обидува да ги зарази и некои од останатите свештеници.
Поставувањето и разрешувањето на свештениците на функција архиерејски намесник или старешина на црква, како и нивното поставување и разместување во одредени градски или селски парохии, според Уставот на Македонската Православна Црква е во исклучива надлежност на надлежниот епархиски архиереј.
Од Канцеларијата
на Струмичкиот Митрополит
г. Наум
