Известување (13.04.2007)
На Томина недела, 15 април 2007 година, во сите храмови на Македонската православна црква, по светата Литургија ќе се отслужи Молебен за молитвена духовна поткрепа на чедата Божји - Љубе Бошковски и Јохан Тарчуловски, како и за нивно праведно судење на Судот во Хаг.
Со Молебенот во Архиепископскиот соборен храм на Свети Климент Охридски во Скопје (со почеток околу 10 часот) ќе началствува Неговото Блаженство, Архиепископот Охридски и Македонски г.г. Стефан, во сослужение на повеќе архиереи и свештенослужители на Македонската Православна Црква.
Се повикуваат сите благочестиви христијани и на овој начин, сите заедно да дадеме молитвена поддршка на нашите бранители обвинети пред Хашкиот суд.
