Vesti i nastani
 
 
 
 
 

СООПШТЕНИЕ (30.04.2008)

Македонската православна црква годинава ја одбележува 50годишнината од обновувањето на Самостојната Охридска Архиепископија во лицето на нашата Света МПЦ и 60 години од невидениот егзодус во историјата, на децата бегалци од нивните вековни татковски и мајчински огништа на просторот од Егејска Македонија.

По тој повод, Ние Митрополитот  Кирил, со нашите: архиерејски намесништва, свештенството, и преподобно монаштво, братски Ве покануваме на Реосветување на целосно возобновениот манастир ,,Св. Вмч. Ѓорѓи“ и осветување на целосно обновените манастирски конаци, на патрониот празник Ѓурѓовден – (06 мај вторник 2008 год.) во манастирскиот комплекс ,,Свети Ѓорѓи “ во с. Дељадровци. Свеченостите ќе отпочнат во 08,30 часот. Ќе началствува Митрополитот Кирил со голем број свештенослужители.

На овие јубилејни црковно – духовни –  манифестации, се очекува масовно присуство на верни македонски чеда, од Полошко – кумановската и од другите епархии на Македонската Православна Црква, како и од диаспората. По Божествената литургија ќе се продолжи со сеопшта веселба.

Пеесет годишниот јубилеј од самостојното живеење на Македонската Православна Црква е судбински, спасоносен и оживотворувачки историски чин за родната ни мајка Светоклиментова Црква, за благородниот  македонски народ и за наша родна и мила татковина - библиска  Македонија.

 

      Од Канцаларијата на
                        Полошко-кумановската епархија