Митрополитот Волоколамски Иларион: „За препород на Православаната Црква во Кина постојат сите услови“
 
 
 
 
 

Митрополитот Волоколамски Иларион: „За препород на Православаната Црква во Кина постојат сите услови“ (18.05.2013 17:57)

За посетата на Неговата Светост Московскиот Патријарх и на цела Русија Кирил на Кина, интевју за РИА „Новости“ со преседателот на Одделот за надворешни црковни врски при Московската Патријаршија, Митрополитот Волоколамски Иларион.

- Ваше Вископреосвештенство, во каква положба денес се наоѓа Православната Црква во Кина и дали државата ја признава?

- Кинеската Автономна Православна Црква е основана 1956 год. Уште тогаш ситуацијата во државата била доста комлицирана и Кинеската Црква не можела да се регистрира како религиозна заедница, а подоцна, во годините на „културната револуција“ целата нејзина инфраструктура била уништена, многу храмови била срушени, свештениците лишени од можноста да ги извршуваат богослужбите. Дури во 80-тите години почнале промените во религиозната политика на државата кои овозможиле, на пример, во 1986 г. да се обноват богослужбите во храмот Покров во Харбин, каде до својата смрт во 2000 г. служел свештеникот Григориј Чу. Меѓутоа, после неговата смрт во храмот богослужбите практично биле прекинати и иако храмот формално се смета за отворен, во него не се служи.

- Која е целта на Вашите преговори со кинеската страна?

Целта на нашите преговори со Државната управа за религиозни прашања во Кина е нормализација на положбата на Автономната Кинеска Црква токму како национална Православна Црква на Кина. Тоа значи дека таа конечно треба да добие своја регистрација во својство на религиозна заедница, дека треба да има свој епископ, свои свештеници и отворени храмови. Меѓутоа, поставувањето на епископ веројатно е последната карика од многуте карики, а оние кои сакаме да ги оствариме во текот на следните години се, пред сѐ, поставување кинески свештеници на служба во оние парохии кои се отворени – како што е храмот Покров. И токму со таа цел потпишавме два меморандуми со Државната управа за религиознаи прашања; едниот од нив се однесува на образување кинески студенти во богословските училишта при Руската Црква и сега двајца студенти веќе се школуваат кај нас. Се надеваме дека наскоро ќе можат да добијат свештенички чин и да служат во отворените парохии на Кина.

Посетата на Неговата Светост Патријархот Кирил е проект кој долго го подготвувавме во дијалог со Државната управа за религиски прашања и ни е мило што оваа подготвителна работа е крунисана со успех, што по посетата се одвива на многу вискоко ниво. Би рекол, на максимално високо ниво: одржан е состанок помеѓу Патријархот и државниот раководител на НРК. Ова е настан од посебен вид и од посебно значење без преседан, каков што немало ни во историјата на Руската Црква, ниту во историјата на НРК, затоа што после 1949 г. државниот лидер на Кина не се сретнал со претставник на која било христијанска Црква. Се надеваме дека овој настан ќе отвори нови можности за нашиот дијалог и соработка на религиозна тематика и дека истиот, како и другите настани во текот на посетата, се разбира, пред сѐ, боголжењата кои ќе ги обнови Патријархот, ќе помогнат што побрзо да се нормализира положбата во Кинеската Православна Црква и нејзините верници.

- Во дијалогот со властите на НРК кој Руската Православна Црква ги води во последниве години и Вие повеќепати ја посетувавте Кина како раководител на Одделот за надворешни црковни врски при Московката Патријаршија. Дали можете да ја оцените динамиката во односите со кинеската страна?

- Динамиката на нашите односи е апсолутно позитивна, таква е од 1993 г. кога земјата за првпат ја посети Митрополитот Кирил – денес Неговата Светост Патријархот на Русија. Токму тогаш е удрен темелот за односите кои денес попримија сосем официјален карактер. Мислам дека оваа позитивна динамика ќе расте. Меѓутоа, мораме да ја сфатиме специфичноста на Кина како држава со повеќемилениумска историја, држава за која 20 години се многу краток период. Мислам дека не треба да очекуваме некоја астрономска брзина во нашиот напредок кон поставените цели – движењето ќе биде постепено и овие цели ќе ги оствариме чекор по чекор. Многу е важно секоја одлука која се донесува да биде значајна, и наша и на државното раководство на НРК, за процесот на нормализација на положбата на Православната Црква во Кина да се одвива во потполно почитување на Уставот и законите на Кина.

- Дали сфаќањата на проблемите со Црквата во Кина од страна на власта на НРК се поклопуваат со оние на Руската Православна Црква?

- Во секој случај, ако се зборува за нашите преговори кои ги водиме последниве години, гледаме голем степен на меѓусебно разбирање, но истовремено и извесен степен на внимателност од страна на нашите кинески партнери, кој е диктиран, според нашето сфаќање, од желбата де се почитуваат сите закони и норми кои важат во Кина, желбата дијалогот да се води постапно. Коко што често ни кажуваат нашите кинески партнери во дијалогот, не треба да брзаме – секој настан треба да се случува во моментот кога за него ќе бидат созреани условите. Сметаме дека условите за тоа во кинеските православни храмови да се појават кинески свештеници се веќе зрели и тоа е онаа непосредна цел кон чие остварување тежнееме во оваа фаза.

Извор: Светигора