Романска Патријаршија: 2014 – година посветена на Евхаристијата и Бринковјанските маченици (22.12.2013 17:14)
Светиот Синод на Романската православна црква
ја прогласи 2014 година за Официјална евхаристиска година (година на Светата
Исповед и Светата Причест), и година за одбележување на споменот на
Бринковјанските маченици.
Одбележувањето на евхаристиската година ќе се
реализира преку црковната рамковна програма од литургиски, културен и медиски
аспект, а во него удел ќе земат сите епархиски и црковно-образовни тела и
институции. Предвидени се многубројни конференции, средби, симпозиуми, но и
пастирски, богословски, катихетски и духовни семинари. Планирано е во нив удел
да земат повеќе ерарси, професори, свештеници и монаси.
Централните настани се планирани во две етапи:
првата, на пролет, планира одржување на полгодишна пастирско-мисионерска
конференција на која ќе се зборува на темите: „2014 – Официјална година на
Евхаристијата“ и „Година на одбележување на споменот на светите Бринковјански
маченици“, и втората, на есен, преку втората полгодишна пастирско-мисионерска
конференција на која ќе се зборува за Бринковјанските маченици.
Извор: Basilica.ro
